Home Siyasa Majalisar Dattawan Najeriya Za Ta Cigaba Da Tantance Ministoci Yau Talata

Majalisar Dattawan Najeriya Za Ta Cigaba Da Tantance Ministoci Yau Talata

191
0
Sen. Akpabio

Majalisar Dattawan Najeriya za ta cigaba da tantance ministoci 14 cikin 28 da Shugaban kasar Bola Tinubu ya aika mata a satin da ya gabata. Ana sa ran zai aikewa da Majalisar sauran Karin Ministocin yau Talata.

Ga dukkan alamu yau ne Majalisar zata Kammmala tantance 14 da ga cikin 28 da Shugaban Kasar ya aikewa da Majalisar kuma da zarar sun gama tantancewa, idan har bai aike da sauran ba Majalisar za ta amince da wadanda ta tantance ne don tafiya hutun makwanni shida.

Jaridar Viewfinder ta jiyo da wata majiya mai toshe cewa da zarar an gama amincewa da Ministocin; Shugaban Majalisar Dattawa, Godswill Akpabio zai sanar da sauran sunayen Yan Kwamitin Majalisar da ga nan sai a rufe Majalisar.

Tuni dai Majaliasar ta tantance Ministoci 14 jiya Litinin da ga ciki har da tsohon Gwamnan Jihar Ribas Nyesome Wike. To sai dai ‘yan siyasa da masana harkokin shar’ia  sun bayyana ra’ayoyi mabambanta kan cancantar ministocin.

Tsohon Gwamnan Jihar Ribas Nyesome Wike wanda yana daya daga cikin ‘ya’yan jam’iyyar adawa wadanda Tinubu ya zabo domin ba su kujerar Minista ya sha alwashin zai baiwa marada kunya idan ya fara aiki a matsayin Minista a Gwamnatin Tinubu.

To sai dai Sanata Sahabi Ya’u, daga Jihar Zamfara, a hirarsa da Muryar Amurka ya ce majalisar ta tantance Ministoci 14 a maimakon 16 da Majalisar ta yi niyan tantancewa.

Sahabi ya tabbatar da cewa shugaban kasa ya zabi wadanda ya ke ganin sun cancanta wajen yi wa kasa aiki musamman ma ta bangaren hada kan kasa.

Sahabi ya ce talakan da ke Najeriya ya dauki Tinubu a matsayin wani wanda zai share masu hawaye wajen fidda Najeriya halin da ta ke ciki.

Ya ce Shugaba Tinubu yayi kokarin nuna cewa shi mai bin doka ne wajen kawo sunayen ministoci a cikin watani biyu na mulkin sa kamar yadda doka ta tanada kuma wannan abin yabawa ne.

Amma ga masanin shari’a Barista Mainasara Kogo Ibrahim Umar, yana ganin akwai abin dubawa a wadannan Ministocin da Tinubu ya zakulo saboda kawo tsofaffin Gwamnoni ko tsofaffin Ministoci ko wadanda suka rike mukamai da dama a baya, yana nuni da cewa kasa ba za ta ci gaba a haka ba, idan ana maimaita mutane iri daya a mukamai akai-akai.

Mainasara ya ce abin da ya dace shi ne, a ba da dama wasu masu sabbin tunani da sabbin kwakwalwa su shigo cikin harkar gudanarwa domin su kawo sauyi .

Ya kara da cewa “mafi rinjayen wadanda aka ba su mukaman minista su 28 din nan, su ne unguwan zomar mafi yawancin matsalolin da kasar ke ciki. Wannan zubi ba zai banbanta da irin tsarin da aka yi a Gwamnatin da ta shude ba.”

To ko minene doka ta tanada kan batun nada Ministoci, ganin cewa wasu jihohi sun samu ministoci bi-biyu amma wasu ba a riga an ba su ba?

Sanata Babangida Husseini ya yi karin haske cewa abin da doka ta tanada shi ne kowace jiha ya kamata a ba ta minista daya, kuma nan gaba shugaban zai aiko da sauran sunayen.

Babangida yace “bayan jiha an amincewa shugaban kasa ya dauko daga shiya ya nada minista, shi ya sa ake samun ministoci fiye da 36 ko 37 idan an hada har da Birnin Tarayya. Wani zubin ma sai a sami 40 ko fiye da haka.”

Ministocin 14 da za a tantance a Yau Talata sune kamar haka:

1.Arch. Ahmed Musa Dangiwa

2.Chief Uche Geoffrey Nnaji

3. Bather Hannatu

4. Ali Pate

5 .Dr. Doris Ngoko

6. H.E David Umahi

7. H.E Nasiru El-rufa’i

8. Hon. Nkiru Nwochocha

9. Olubumi Tunji Ojo

10. Hon. Ojo Kenedy

11. Dele Alake

12. Lateef Fagbemi

13. Muhammad Idris

14. Waheed Adebayo Adalabu

LEAVE A REPLY

Please enter your comment!
Please enter your name here